The Saint Benedict Prayer Book, published by Paraclete Press, makes available a treasure trove of prayers from the western monastic tradition that have gone largely unnoticed for generations. The book features prominently prayer forms known as “Little Offices” and “Commemorations,” which reflect the structure and poetic quality of the Liturgy of the Hours and were often recited immediately following the Hours by Benedictine monks and nuns for centuries.
The prayers that I have edited or translated in the book were almost all originally composed in Latin, the language long used in the Latin Church’s liturgy and learned culture. While we wanted to keep the book streamlined and easy to access (and so only included English versions), I also want to make the Latin versions available for anyone who appreciates (or is just curious about) Latin liturgy, culture, and prayer.
With that desire in mind, I’ve included below the Latin text of four of the Little Offices, all of the Commemorations, and two of the individual private prayers that appear in The Saint Benedict Prayer Book. Please feel free to view these prayers to pray with them or simply to study their use of Latin. ut in omnibus glorifiectur Deus! (1 Pet 4:11; RB 57:9).
They are found below in the following order:
I. The Little Office of the Trinity
II. The Little Office of Our Lady
III. The Little Office of the Cross
IV. A Medieval Little Office of Saint Benedict
V. Commemorations to Be Said after Lauds or In the Morning
VI. Commemorations to Be Said after Vespers or In the Evening
VII. For Relatives, Rulers, Community Members, Friends, Oblates, Benefactors, and All Who Are Close
VIII. For the Souls of All Departed Prelates, Community Members, Relatives, Founders, Benefactors, Oblates, Other Friends, and All Those in Purgatory
—Acknowledgments: The following people and organizations graciously gave me access to and permission to reproduce texts from their collections and books for this project: the Latin text of the three offices from Abbot Ælfwine’s prayerbook appears by permission of the Henry Bradshaw Society from Beate Günzel’s Ælwine’s Prayerbook: London, British Library, MS Cotton Titus D.xxvi + xxvii (London: Henry Bradshaw Society, 1993); Dr. Simon Johnson and Steven Parsons made images of Downside, Abbey Library, MS 26543 available to me for the commemorations from the New Minster.
—Scripture texts in Latin are taken from the Vulgata Clementina as released into the public domain by The Clementine Vulgate Project.
I. The Little Office of the Trinity
Versiculus: Deus, in adjutorium meum intende.
Responsum: Domine, ad adjuvandum me festina.
Gloria Patri et Filio et Spiritui Sancto. Sicut erat in principio et nunc et semper et in sæcula sæculorum. Amen.
Antiphona: O beata et benedicta et gloriosa Trinitas, Pater et Filius et Spiritus Sanctus, tibi laus, tibi gloria, tibi gratiarum actio.
Psalmus 53
Deus, in nomine tuo salvum me fac,
et in virtute tua judica me.
Deus, exaudi orationem meam;
auribus percipe verba oris mei.
Quoniam alieni insurrexerunt adversum me,
et fortes quæsierunt animam meam,
et non proposuerunt Deum ante conspectum suum.
Ecce enim Deus adjuvat me,
et Dominus susceptor est animæ meæ.
Averte mala inimicis meis;
et in veritate tua disperde illos.
Voluntarie sacrificabo tibi,
et confitebor nomini tuo, Domine, quoniam bonum est.
Quoniam ex omni tribulatione eripuisti me,
et super inimicos meos despexit oculus meus.
Gloria Patri . . .
Antiphona: O beata et benedicta et gloriosa Trinitas, Pater et Filius et Spiritus Sanctus, tibi laus, tibi gloria, tibi gratiarum actio.
Psalmus 117
Alleluja.
Confitemini Domino, quoniam bonus,
quoniam in sæculum misericordia eius.
Dicat nunc Israël: Quoniam bonus,
quoniam in sæculum misericordia ejus.
Dicat nunc domus Aaron:
Quoniam in sæculum misericordia ejus.
Dicant nunc, qui timent Dominum:
Quoniam in sæculum misericordia ejus.
De tribulatione invocavi Dominum,
et exaudivit me in latitudine Dominus.
Dominus mihi adjutor;
non timebo quid faciat mihi homo.
Dominus mihi adjutor,
et ego despiciam inimicos meos.
Bonum est confidere in Domino,
quam confidere in homine.
Bonum est sperare in Domino,
quam sperare in principibus.
Omnes gentes circuierunt me,
et in nomine Domini, quia ultus sum in eos.
Circumdantes circumdederunt me,
et in nomine Domini, quia ultus sum in eos.
Circumdederunt me sicut apes,
et exarserunt sicut ignis in spinis:
et in nomine Domini, quia ultus sum in eos.
Impulsus eversus sum, ut caderem,
et Dominus suscepit me.
Fortitudo mea et laus mea Dominus,
et factus est mihi in salutem.
Vox exsultationis et salutis
in tabernaculis justorum.
Dextera Domini fecit virtutem;
dextera Domini exaltavit me:
dextera Domini fecit virtutem.
Non moriar, sed vivam,
et narrabo opera Domini.
Castigans castigavit me Dominus,
et morti non tradidit me.
Aperite mihi portas justitiæ;
ingressus in eas confitebor Domino.
Hæc porta Domini:
justi intrabunt in eam.
Confitebor tibi quoniam exaudisti me,
et factus es mihi in salutem.
Lapidem quem reprobaverunt ædificantes,
hic factus est in caput anguli.
A Domino factum est istud,
et est mirabile in oculis nostris.
Hæc est dies quam fecit Dominus:
exsultemus, et lætemur in ea.
O Domine, salvum me fac;
O Domine, bene prosperare.
Benedictus qui venit in nomine Domini:
benediximus vobis de domo Domini.
Deus Dominus, et illuxit nobis.
Constituite diem solemnem in condensis,
usque ad cornua altaris.
Deus meus es tu, et confitebor tibi;
Deus meus es tu, et exaltabo te.
Confitemini Domino, quoniam bonus,
quoniam in sæculum misericordia ejus.
Gloria Patri . . .
Antiphona: O beata et benedicta et gloriosa Trinitas, Pater et Filius et Spiritus Sanctus, tibi laus, tibi gloria, tibi gratiarum actio.
Psalmus 8[1]
Domine, Dominus noster,
quam admirabile est nomen tuum in universa terra!
quoniam elevata est magnificentia tua super cælos.
Ex ore infantium et lactentium perficisti laudem propter inimicos tuos,
ut destruas inimicum et ultorem.
Quoniam videbo cælos tuos, opera digitorum tuorum,
lunam et stellas quae tu fundasti.
Quid est homo, quod memor es ejus?
aut filius hominis, quoniam visitas eum?
Minuisti eum paulominus ab angelis;
gloria et honore coronasti eum;
et constituisti eum super opera manuum tuarum.
Omnia subjecisti sub pedibus ejus,
oves et boves universas,
insuper et pecora campi,
volucres cæli, et pisces maris
qui perambulant semitas maris.
Domine, Dominus noster,
quam admirabile est nomen tuum in universa terra!
Hymnus: Te decet laus[2]
Te decet laus,
te decet hymnus,
tibi gloria Deo Patri et Filio,
cum Sancto Spiritu,
in sæcula sæculorum. Amen.
Gloria Patri . . .
Antiphona: O beata et benedicta et gloriosa Trinitas, Pater et Filius et Spiritus Sanctus, tibi laus, tibi gloria, tibi gratiarum actio.
Lectio (1 Joannis 5:8):
Et tres sunt, qui testimonium dant in terra: spiritus, et aqua, et sanguis: et hi tres unum sunt.
Versiculus: Benedicat nos Deus Deus noster, benedicat nos Deus, et metuant eum omnes fines terræ.
Responsum: Deus misereatur nostri, et benedicat nos Deus, et metuant eum omnes fines terræ.
Hymn: Veni Creator Spiritus
Veni creator Spiritus,
mentes tuorum visita,
imple superna gratia
quæ tu creasti pectora.
Qui diceris Paraclitus,
altissimi donum Dei,
fons vivus, ignis, caritas,
et spiritalis unctio.
Tu, septiformis munere,
digitus paternæ dexteræ,
tu rite promissum Patris,
sermone ditans guttura.
Accende lumen sensibus:
infunde amorem cordibus:
infirma nostri corporis
virtute firmans perpeti.
Hostem repellas longius,
pacemque dones protinus:
ductore sic te prævio
vitemus omne noxium.
Per te sciamus da Patrem,
noscamus atque Filium;
teque utriusque Spiritum
credamus omni tempore.
Deo Patri sit gloria,
et Filio, qui a mortuis
surrexit, ac Paraclito,
in sæculorum sæcula. Amen.
Versiculus: Sit nomen Domini benedictum.
Responsum: Ex hoc nunc et usque in sæculum.
Antiphona: Te, Deum Patrem ingenitum, te, Filium unigenitum, te, Spiritum Sanctum Paraclitum, sanctam et individuam Trinitatem toto corde et ore confitemur, laudamus atque benedicimus, tibi gloria in sæcula.
Magnificat:
Magnificat anima mea Dominum:
et exsultavit spiritus meus in Deo salutari meo.
Quia respexit humilitatem ancillæ suæ:
ecce enim ex hoc beatam me dicent omnes generationes,
quia fecit mihi magna qui potens est:
et sanctum nomen ejus,
et misericordia ejus a progenie in progenies
timentibus eum.
Fecit potentiam in brachio suo:
dispersit superbos mente cordis sui.
Deposuit potentes de sede,
et exaltavit humiles.
Esurientes implevit bonis:
et divites dimisit inanes.
Suscepit Israël puerum suum,
recordatus misericordiæ suæ:
sicut locutus est ad patres nostros,
Abraham et semini ejus in sæcula.
Gloria Patri . . .
Antiphona: Te, Deum Patrem ingenitum, te, Filium unigenitum, te, Spiritum Sanctum Paraclitum, sanctam et individuam Trinitatem toto corde et ore confitemur, laudamus atque benedicimus, tibi gloria in sæcula.
Kyrie eleison. Christe eleison. Kyrie eleison.
Pater noster…
Credo in Deum…
Versiculus: Benedicamus Patrem et Filium et Spiritum Sanctum.
Responsum: Benedictus es, Domine, doce me justificationes tuas.
Orationes:
Benedicat et custodiat nos summa et individua Trinitas Patris Filiique ac Spiritus Sancti, omnemque facinus a nobis procul expellat. Sancta et individua Trinitas, terge tuorum petimus subnixe flagitia servorum, nosque in tuo sancto conserva servitio.
Benedicat et custodiat nos omnipotens Deus, qui fecit cælum et terram, mare et omnia quæ in eis sunt.
Benedicta sit sancta Trinitas atque indivisa Unitas, confitebimur ei, quia fecit nobiscum misericordiam suam.
O beata et benedicta et gloriosa Trinitas, Pater et Filius et Spiritus Sanctus, tibi laus, tibi gloria, tibi gratiarum actio, honor, virtus et fortitudo Deo nostro in sæcula sæculorum.
Te summa Deitas unique poscimus, ut culpas abluas, noxia subtrahas, des pacem famulis nos quoque gloriam per cuncta tibi sæcula.
Psalmus 142
Domine, exaudi orationem meam;
auribus percipe obsecrationem meam in veritate tua;
exaudi me in tua justitia.
Et non intres in judicium cum servo tuo,
quia non justificabitur in conspectu tuo omnis vivens.
Quia persecutus est inimicus animam meam;
humiliavit in terra vitam meam;
collocavit me in obscuris, sicut mortuos sæculi.
Et anxiatus est super me spiritus meus;
in me turbatum est cor meum.
Memor fui dierum antiquorum;
meditatus sum in omnibus operibus tuis:
in factis manuum tuarum meditabar.
Expandi manus meas ad te;
anima mea sicut terra sine aqua tibi.
Velociter exaudi me, Domine;
defecit spiritus meus.
Non avertas faciem tuam a me,
et similis ero descendentibus in lacum.
Auditam fac mihi mane misericordiam tuam,
quia in te speravi.
Notam fac mihi viam in qua ambulem,
quia ad te levavi animam meam.
Eripe me de inimicis meis, Domine:
ad te confugi.
Doce me facere voluntatem tuam,
quia Deus meus es tu.
Spiritus tuus bonus deducet me in terram rectam.
Propter nomen tuum, Domine, vivificabis me:
in æquitate tua, educes de tribulatione animam meam,
et in misericordia tua disperdes inimicos meos,
et perdes omnes qui tribulant animam meam,
quoniam ego servus tuus sum.
Gloria Patri . . .
Oratio: Omnipotens sempiterne Deus, coæterna majestas et una Deitas, qui in Trinitate permanes et in unitate semper consistis, presta, quæsumus, ut qui peccatorum nostrorum ponderibus pregravamur, celeri indulgentia veniam consequamur. Per Dominum nostrum Christum. Amen.
[1] The manuscript calls here for Psalm 118 (Vulgate numbering), the great meditation on the Law, but, given how long this psalm is, I have provided Psalm 8, a much shorter psalm that is used in the modern office for Trinity Sunday.
[2] The manuscript calls here for the Athanasian Creed, a statement of Trinitarian and Incarnational belief. Due to the fact that this creed has been all but abandoned in the current Roman Rite, its length, and its tone, I have provided the Te decet laus, a much shorter statement of Trinitarian belief from the monastic office.
II. The Little Office of Our Lady
Versiculus: Deus, in adjutorium meum intende.
Responsum: Domine, ad adjuvandum me festina.
Gloria Patri et Filio et Spiritui Sancto. Sicut erat in principio et nunc et semper et in sæcula sæculorum. Amen.
Antiphona: Ave Maria, gratia plena, Dominus tecum; bendicta tu in mulieribus, alleluia.
Psalmus 53
Deus, in nomine tuo salvum me fac,
et in virtute tua judica me.
Deus, exaudi orationem meam;
auribus percipe verba oris mei.
Quoniam alieni insurrexerunt adversum me,
et fortes quæsierunt animam meam,
et non proposuerunt Deum ante conspectum suum.
Ecce enim Deus adjuvat me,
et Dominus susceptor est animæ meæ.
Averte mala inimicis meis;
et in veritate tua disperde illos.
Voluntarie sacrificabo tibi,
et confitebor nomini tuo, Domine, quoniam bonum est.
Quoniam ex omni tribulatione eripuisti me,
et super inimicos meos despexit oculus meus.
Gloria Patri . . .
Antiphona: Ave Maria, gratia plena, Dominus tecum; bendicta tu in mulieribus, alleluia.
Psalmus 117
Alleluja.
Confitemini Domino, quoniam bonus,
quoniam in sæculum misericordia eius.
Dicat nunc Israël: Quoniam bonus,
quoniam in sæculum misericordia ejus.
Dicat nunc domus Aaron:
Quoniam in sæculum misericordia ejus.
Dicant nunc, qui timent Dominum:
Quoniam in sæculum misericordia ejus.
De tribulatione invocavi Dominum,
et exaudivit me in latitudine Dominus.
Dominus mihi adjutor;
non timebo quid faciat mihi homo.
Dominus mihi adjutor,
et ego despiciam inimicos meos.
Bonum est confidere in Domino,
quam confidere in homine.
Bonum est sperare in Domino,
quam sperare in principibus.
Omnes gentes circuierunt me,
et in nomine Domini, quia ultus sum in eos.
Circumdantes circumdederunt me,
et in nomine Domini, quia ultus sum in eos.
Circumdederunt me sicut apes,
et exarserunt sicut ignis in spinis:
et in nomine Domini, quia ultus sum in eos.
Impulsus eversus sum, ut caderem,
et Dominus suscepit me.
Fortitudo mea et laus mea Dominus,
et factus est mihi in salutem.
Vox exsultationis et salutis
in tabernaculis justorum.
Dextera Domini fecit virtutem;
dextera Domini exaltavit me:
dextera Domini fecit virtutem.
Non moriar, sed vivam,
et narrabo opera Domini.
Castigans castigavit me Dominus,
et morti non tradidit me.
Aperite mihi portas justitiæ;
ingressus in eas confitebor Domino.
Hæc porta Domini:
justi intrabunt in eam.
Confitebor tibi quoniam exaudisti me,
et factus es mihi in salutem.
Lapidem quem reprobaverunt ædificantes,
hic factus est in caput anguli.
A Domino factum est istud,
et est mirabile in oculis nostris.
Hæc est dies quam fecit Dominus:
exsultemus, et lætemur in ea.
O Domine, salvum me fac;
O Domine, bene prosperare.
Benedictus qui venit in nomine Domini:
benediximus vobis de domo Domini.
Deus Dominus, et illuxit nobis.
Constituite diem solemnem in condensis,
usque ad cornua altaris.
Deus meus es tu, et confitebor tibi;
Deus meus es tu, et exaltabo te.
Confitemini Domino, quoniam bonus,
quoniam in sæculum misericordia ejus.
Gloria Patri . . .
Antiphona: Ave Maria, gratia plena, Dominus tecum; benedicta tu in mulieribus, alleluia.
Psalmus 86[1]
Fundamenta ejus in montibus sanctis;
diligit Dominus portas Sion super omnia tabernacula Jacob.
Gloriosa dicta sunt de te, civitas Dei!
Memor ero Rahab et Babylonis, scientium me;
ecce alienigenæ, et Tyrus, et populus Æthiopum,
hi fuerunt illic.
Numquid Sion dicet: Homo et homo natus est in ea,
et ipse fundavit eam Altissimus?
Dominus narrabit in scripturis populorum et principum,
horum qui fuerunt in ea.
Sicut lætantium omnium
habitatio est in te.
Hymn: Te decet laus[2]
Te decet laus,
te decet hymnus,
tibi gloria Deo Patri et Filio,
cum Sancto Spiritu,
in sæcula sæculorum. Amen.
Gloria Patri . . .
Antiphona: Ave Maria, gratia plena, Dominus tecum; benedicta tu in mulieribus, alleluia.
Lectio (Ecclesiasticus 24:14-15):
Ab initio et ante sæcula creata sum,
et usque ad futurum sæculum non desinam:
et in habitatione sancta coram ipso ministravi.
Versiculus: Beata es, Maria, quæ omnium portasti creatorem Deum genuisti, qui te fecit, et in æternum permanens virgo.
Responsum: Ave Maria, gratia plena, Dominus tecum. Genuisti qui, te fecit, et in æternum permanens virgo.
Hymnus: Ave maris stella
Ave maris stella,
Dei Mater alma,
atque semper Virgo,
felix cæli porta.
Sumens illud Ave
Gabriellis ore,
funda nos in pace,
mutans Hevæ nomen.
Solve vincla reis,
profer lumen cæcis
mala nostra pelle,
bona cuncta posce.
Monstra te esse matrem:
sumat per te preces,
qui pro nobis natus,
tulit esse tuus.
Virgo singularis,
inter omnes mites,
nos culpis solutos,
mitis fac et castos.
Vitam præsta puram,
iter para tutum:
ut videntes Jesum
semper collætemur.
Sit laus Deo Patri,
summo Christo decus,
Spiritui Sancto,
tribus honor unus. Amen.
Versiculus: Post partum virgo inviolata permanisti.
Responsum: Dei Genitrix, intercede pro nobis.
Antiphona: Succurre, sancta Genitrix Christi, miseris ad te confugientibus, adjuva et refove omnes qui in te confidunt, ora pro totius mundi piaculis, interveni pro clero, intercede pro monachorum choro, exora pro sexu femineo.
Magnificat:
Magnificat anima mea Dominum:
et exsultavit spiritus meus in Deo salutari meo.
Quia respexit humilitatem ancillæ suæ:
ecce enim ex hoc beatam me dicent omnes generationes,
quia fecit mihi magna qui potens est:
et sanctum nomen ejus,
et misericordia ejus a progenie in progenies
timentibus eum.
Fecit potentiam in brachio suo:
dispersit superbos mente cordis sui.
Deposuit potentes de sede,
et exaltavit humiles.
Esurientes implevit bonis:
et divites dimisit inanes.
Suscepit Israël puerum suum,
recordatus misericordiæ suæ:
sicut locutus est ad patres nostros,
Abraham et semini ejus in sæcula.
Gloria Patri . . .
Antiphona: Succurre, sancta Genitrix Christi, miseris ad te confugientibus, adjuva et refove omnes qui in te confidunt, ora pro totius mundi piaculis, interveni pro clero, intercede pro monachorum choro, exora pro sexu femineo.
Kyrie eleison. Christe eleison. Kyrie eleison.
Pater noster…
Credo in Deum…
Versiculus: Beata mater et innupta virgo, gloriosa regina mundi, intercede pro nobis ad Dominum.
Responsum: Post partum virgo inviolata permanisti; Dei Genitrix, intercede pro nobis.
Orationes:
Ave Maria, gratia plena, Dominus tecum; benedicta tu in mulieribus.
Specie tua et pulchritudine tua, intende, prospere procede, et regna.
Psalmus 142
Domine, exaudi orationem meam;
auribus percipe obsecrationem meam in veritate tua;
exaudi me in tua justitia.
Et non intres in judicium cum servo tuo,
quia non justificabitur in conspectu tuo omnis vivens.
Quia persecutus est inimicus animam meam;
humiliavit in terra vitam meam;
collocavit me in obscuris, sicut mortuos sæculi.
Et anxiatus est super me spiritus meus;
in me turbatum est cor meum.
Memor fui dierum antiquorum;
meditatus sum in omnibus operibus tuis:
in factis manuum tuarum meditabar.
Expandi manus meas ad te;
anima mea sicut terra sine aqua tibi.
Velociter exaudi me, Domine;
defecit spiritus meus.
Non avertas faciem tuam a me,
et similis ero descendentibus in lacum.
Auditam fac mihi mane misericordiam tuam,
quia in te speravi.
Notam fac mihi viam in qua ambulem,
quia ad te levavi animam meam.
Eripe me de inimicis meis, Domine:
ad te confugi.
Doce me facere voluntatem tuam,
quia Deus meus es tu.
Spiritus tuus bonus deducet me in terram rectam.
Propter nomen tuum, Domine, vivificabis me:
in æquitate tua, educes de tribulatione animam meam,
et in misericordia tua disperdes inimicos meos,
et perdes omnes qui tribulant animam meam,
quoniam ego servus tuus sum.
Gloria Patri . . .
Oratio: Averte, quæsumus Domine, iram tuam propitiatus a nobis, et facinora nostra, quibus indignationem tuam provocamus, expelle. Per Dominum nostrum Christum. Amen.
[1] The manuscript calls here for Psalm 118 (Vulgate numbering), the great meditation on the Law, but, given how long this psalm is, I have provided Psalm 86, a shorter psalm that is used in the modern office for the Blessed Virgin Mary and alludes to Mary’s divine motherhood.
[2] The manuscript calls here for the Athanasian Creed, a statement of Trinitarian and Incarnational belief. Due to the fact that this creed has been all but abandoned in the current Roman Rite, its length, and its tone, I have provided the Te decet laus, a much shorter statement of Trinitarian belief from the monastic office.
III. The Little Office of the Cross
Versiculus: Deus, in adjutorium meum intende.
Responsum: Domine, ad adjuvandum me festina.
Gloria Patri et Filio et Spiritui Sancto. Sicut erat in principio et nunc et semper et in sæcula sæculorum. Amen.
Antiphona: Salva nos, Christe salvator, per virtutem Crucis, qui salvasti Petrum in mari, miserere nobis.
Psalmus 53
Deus, in nomine tuo salvum me fac,
et in virtute tua judica me.
Deus, exaudi orationem meam;
auribus percipe verba oris mei.
Quoniam alieni insurrexerunt adversum me,
et fortes quæsierunt animam meam,
et non proposuerunt Deum ante conspectum suum.
Ecce enim Deus adjuvat me,
et Dominus susceptor est animæ meæ.
Averte mala inimicis meis;
et in veritate tua disperde illos.
Voluntarie sacrificabo tibi,
et confitebor nomini tuo, Domine, quoniam bonum est.
Quoniam ex omni tribulatione eripuisti me,
et super inimicos meos despexit oculus meus.
Gloria Patri . . .
Antiphona: Salva nos, Christe salvator, per virtutem Crucis, qui salvasti Petrum in mari, miserere nobis.
Psalmus 117
Alleluja.
Confitemini Domino, quoniam bonus,
quoniam in sæculum misericordia eius.
Dicat nunc Israël: Quoniam bonus,
quoniam in sæculum misericordia ejus.
Dicat nunc domus Aaron:
Quoniam in sæculum misericordia ejus.
Dicant nunc, qui timent Dominum:
Quoniam in sæculum misericordia ejus.
De tribulatione invocavi Dominum,
et exaudivit me in latitudine Dominus.
Dominus mihi adjutor;
non timebo quid faciat mihi homo.
Dominus mihi adjutor,
et ego despiciam inimicos meos.
Bonum est confidere in Domino,
quam confidere in homine.
Bonum est sperare in Domino,
quam sperare in principibus.
Omnes gentes circuierunt me,
et in nomine Domini, quia ultus sum in eos.
Circumdantes circumdederunt me,
et in nomine Domini, quia ultus sum in eos.
Circumdederunt me sicut apes,
et exarserunt sicut ignis in spinis:
et in nomine Domini, quia ultus sum in eos.
Impulsus eversus sum, ut caderem,
et Dominus suscepit me.
Fortitudo mea et laus mea Dominus,
et factus est mihi in salutem.
Vox exsultationis et salutis
in tabernaculis justorum.
Dextera Domini fecit virtutem;
dextera Domini exaltavit me:
dextera Domini fecit virtutem.
Non moriar, sed vivam,
et narrabo opera Domini.
Castigans castigavit me Dominus,
et morti non tradidit me.
Aperite mihi portas justitiæ;
ingressus in eas confitebor Domino.
Hæc porta Domini:
justi intrabunt in eam.
Confitebor tibi quoniam exaudisti me,
et factus es mihi in salutem.
Lapidem quem reprobaverunt ædificantes,
hic factus est in caput anguli.
A Domino factum est istud,
et est mirabile in oculis nostris.
Hæc est dies quam fecit Dominus:
exsultemus, et lætemur in ea.
O Domine, salvum me fac;
O Domine, bene prosperare.
Benedictus qui venit in nomine Domini:
benediximus vobis de domo Domini.
Deus Dominus, et illuxit nobis.
Constituite diem solemnem in condensis,
usque ad cornua altaris.
Deus meus es tu, et confitebor tibi;
Deus meus es tu, et exaltabo te.
Confitemini Domino, quoniam bonus,
quoniam in sæculum misericordia ejus.
Gloria Patri . . .
Antiphona: Salva nos, Christe salvator, per virtutem Crucis, qui salvasti Petrum in mari, miserere nobis.
Psalmus 2[1]
Quare fremuerunt gentes,
et populi meditati sunt inania?
Astiterunt reges terræ,
et principes convenerunt in unum
adversus Dominum, et adversus christum ejus.
Dirumpamus vincula eorum,
et projiciamus a nobis jugum ipsorum.
Qui habitat in cælis irridebit eos,
et Dominus subsannabit eos.
Tunc loquetur ad eos in ira sua,
et in furore suo conturbabit eos.
Ego autem constitutus sum rex ab eo
super Sion, montem sanctum ejus,
prædicans præceptum ejus.
Dominus dixit ad me: Filius meus es tu;
ego hodie genui te.
Postula a me, et dabo tibi gentes hæreditatem tuam,
et possessionem tuam terminos terræ.
Reges eos in virga ferrea,
et tamquam vas figuli confringes eos.
Et nunc, reges, intelligite;
erudimini, qui judicatis terram.
Servite Domino in timore,
et exsultate ei cum tremore.
Apprehendite disciplinam, nequando irascatur Dominus,
et pereatis de via justa.
Cum exarserit in brevi ira ejus,
beati omnes qui confidunt in eo.
Hymn: Te decet laus[2]
Te decet laus,
te decet hymnus,
tibi gloria Deo Patri et Filio,
cum Sancto Spiritu,
in sæcula sæculorum. Amen.
Gloria Patri . . .
Antiphona: Salva nos, Christe salvator, per virtutem Crucis, qui salvasti Petrum in mari, miserere nobis.
Lectio (1 Epistula Petri 2:24):
Qui peccata nostra ipse pertulit in corpore suo super lignum; ut peccatis mortui, justitiæ vivamus: cujus livore sanati estis.
Versiculus: O Crux benedicta, quæ sola fuisti digna portare regem cælorum et Dominum.
Responsum: O Crux admirabilis, evacuatio vulneris, restitutio sanitates, quæ sola.
Hymnus: Vexilla Regis
Vexilla Regis prodeunt;
fulget Crucis mysterium,
quo carne carnis conditor
suspensus est patibulo.
Quo vulneratus insuper
mucrone diro lanceæ,
ut nos lavaret crimine,
manavit unda et sanguine.
Impleta sunt quæ concinit
David fideli carmine,
dicendo nationibus:
regnavit a ligno Deus.
Arbor decora et fulgida,
ornata Regis purpura,
electa digno stipites
tam sancta membra tangere.
Beata, cujus brachiis
pretium pependit sæculi:
statera facta corporis,
prædam tulitque tartari.
Versiculus: Omnis terra adoret te, Deus.
Responsum: Et psallat tibi.
Antiphona: Super omnia ligna cedrorum tu sola excelsior, in qua vita mundi pependit, in qua Christus triumphavit et mors mortem superavit, alleluia.
Magnificat:
Magnificat anima mea Dominum:
et exsultavit spiritus meus in Deo salutari meo.
Quia respexit humilitatem ancillæ suæ:
ecce enim ex hoc beatam me dicent omnes generationes,
quia fecit mihi magna qui potens est:
et sanctum nomen ejus,
et misericordia ejus a progenie in progenies
timentibus eum.
Fecit potentiam in brachio suo:
dispersit superbos mente cordis sui.
Deposuit potentes de sede,
et exaltavit humiles.
Esurientes implevit bonis:
et divites dimisit inanes.
Suscepit Israël puerum suum,
recordatus misericordiæ suæ:
sicut locutus est ad patres nostros,
Abraham et semini ejus in sæcula.
Gloria Patri . . .
Antiphona: Super omnia ligna cedrorum tu sola excelsior, in qua vita mundi pependit, in qua Christus triumphavit et mors mortem superavit, alleluia.
Kyrie eleison. Christe eleison. Kyrie eleison.
Pater noster…
Credo in Deum…
Versiculus: Adoramus te, Christe, et benedicimus tibi, quia per sanctam Crucem tuam redemisti mundum.
Responsum: Hoc signum sanctæ Crucis erit in cælo, cum Dominus ad judicandum venerit.
Orationes:
Dicite in nationibus, quia Dominus regnavit a ligno.
Tuam Crucem adoramus, Domine, tuam gloriosam recolimus Passionem.
Psalmus 142
Domine, exaudi orationem meam;
auribus percipe obsecrationem meam in veritate tua;
exaudi me in tua justitia.
Et non intres in judicium cum servo tuo,
quia non justificabitur in conspectu tuo omnis vivens.
Quia persecutus est inimicus animam meam;
humiliavit in terra vitam meam;
collocavit me in obscuris, sicut mortuos sæculi.
Et anxiatus est super me spiritus meus;
in me turbatum est cor meum.
Memor fui dierum antiquorum;
meditatus sum in omnibus operibus tuis:
in factis manuum tuarum meditabar.
Expandi manus meas ad te;
anima mea sicut terra sine aqua tibi.
Velociter exaudi me, Domine;
defecit spiritus meus.
Non avertas faciem tuam a me,
et similis ero descendentibus in lacum.
Auditam fac mihi mane misericordiam tuam,
quia in te speravi.
Notam fac mihi viam in qua ambulem,
quia ad te levavi animam meam.
Eripe me de inimicis meis, Domine:
ad te confugi.
Doce me facere voluntatem tuam,
quia Deus meus es tu.
Spiritus tuus bonus deducet me in terram rectam.
Propter nomen tuum, Domine, vivificabis me:
in æquitate tua, educes de tribulatione animam meam,
et in misericordia tua disperdes inimicos meos,
et perdes omnes qui tribulant animam meam,
quoniam ego servus tuus sum.
Gloria Patri . . .
Oratio: Deus, qui per Sanguinem et Crucem Domini nostri Jesu Christi, Filii tui, dedisti pacem hominibus et cælestium collegium angelorum, da nobis et tuæ pacis ubertate repleri et angelice societatis unitate lætari. Per Dominum nostrum Christum. Amen.
[1] The manuscript calls here for Psalm 118 (Vulgate numbering), the great meditation on the Law, but, given how long this psalm is, I have provided Psalm 2, one of the psalms that prophesies the Messiah and is used in the modern office for the Triumph of the Cross.
[2] The manuscript calls here for the Athanasian Creed, a statement of Trinitarian and Incarnational belief. Due to the fact that this creed has been all but abandoned in the current Roman Rite, its length, and its tone, I have provided the Te decet laus, a much shorter statement of Trinitarian belief from the monastic office.
IV. A Medieval Little Office of Saint Benedict
[The Antiphon is begun simply, without Deus in adjutorium or Gloria Patri.]
Antiphona 1: Ecce vir Dei Benedictus reliquit mundum et secutus est Dominum.
Psalmus 14
Domine, quis habitabit in tabernaculo tuo?
aut quis requiescet in monte sancto tuo?
Qui ingreditur sine macula,
et operatur justitiam;
qui loquitur veritatem in corde suo:
qui non egit dolum in lingua sua,
nec fecit proximo suo malum,
et opprobrium non accepit adversus proximos suos.
Ad nihilum deductus est in conspectu ejus malignus;
timentes autem Dominum glorificat.
Qui jurat proximo suo, et non decipit;
qui pecuniam suam non dedit ad usuram,
et munera super innocentem non accepit:
qui facit hæc, non movebitur in æternum.
Gloria Patri . . .
Antiphona 1: Ecce vir Dei Benedictus reliquit mundum et secutus est Dominum.
Antiphona 2: Frater Maure curre velociter, quia puer Placidus in amne mersus est.
Psalmus 23
Domini est terra, et plenitudo ejus;
orbis terrarum, et universi qui habitant in eo.
Quia ipse super maria fundavit eum,
et super flumina præparavit eum.
Quis ascendet in montem Domini?
aut quis stabit in loco sancto ejus?
Innocens manibus et mundo corde,
qui non accepit in vano animam suam,
nec juravit in dolo proximo suo:
hic accipiet benedictionem a Domino,
et misericordiam a Deo salutari suo.
Hæc est generatio quærentium eum,
quærentium faciem Dei Jacob.
Attollite portas, principes, vestras,
et elevamini, portæ æternales,
et introibit rex gloriæ.
Quis est iste rex gloriæ?
Dominus fortis et potens,
Dominus potens in prælio.
Attollite portas, principes, vestras,
et elevamini, portæ æternales,
et introibit rex gloriæ.
Quis est iste rex gloriæ?
Dominus virtutum ipse est rex gloriæ.
Gloria Patri . . .
Antiphona 2: Frater Maure curre velociter, quia puer Placidus in amne mersus est.
Antiphona 3: Tantam graciam ei virtus Dominica contulerat, ut sub uno solis radio totum mundum collectum conspiceret.
Psalmus 33
Benedicam Dominum in omni tempore;
semper laus ejus in ore meo.
In Domino laudabitur anima mea:
audiant mansueti, et lætentur.
Magnificate Dominum mecum,
et exaltemus nomen ejus in idipsum.
Exquisivi Dominum, et exaudivit me;
et ex omnibus tribulationibus meis eripuit me.
Accedite ad eum, et illuminamini;
et facies vestræ non confundentur.
Iste pauper clamavit, et Dominus exaudivit eum,
et de omnibus tribulationibus ejus salvavit eum.
Immittet angelus Domini in circuitu timentium eum
et eripiet eos.
Gustate et videte quoniam suavis est Dominus;
beatus vir qui sperat in eo.
Timete Dominum, omnes sancti ejus,
quoniam non est inopia timentibus eum.
Divites eguerunt et esurierunt;
inquirentes autem Dominum non minuentur omni bono.
Venite, filii; audite me:
timorem Domini docebo vos.
Quis est homo qui vult vitam;
diligit dies videre bonos?
Prohibe linguam tuam a malo,
et labia tua ne loquantur dolum.
Diverte a malo, et fac bonum;
inquire pacem, et persequere eam.
Oculi Domini super justos,
et aures ejus in preces eorum.
Vultus autem Domini super facientes mala,
ut perdat de terra memoriam eorum.
Clamaverunt justi, et Dominus exaudivit eos;
et ex omnibus tribulationibus eorum liberavit eos.
Juxta est Dominus iis qui tribulato sunt corde,
et humiles spiritu salvabit.
Multæ tribulationes justorum;
et de omnibus his liberabit eos Dominus.
Custodit Dominus omnia ossa eorum:
unum ex his non conteretur.
Mors peccatorum pessima;
et qui oderunt justum delinquent.
Redimet Dominus animas servorum suorum,
et non delinquent omnes qui sperant in eo.
Gloria Patri . . .
Antiphona 3: Tantam graciam ei virtus Dominica contulerat, ut sub uno solis radio totum mundum collectum conspiceret.
Versiculus: Recessit igitur scienter nescius.
Responsum: Et sapienter indoctus.
Pater noster… [silently until:] …et ne nos . . .
Absolucio: A vinculis peccatorum nostrorum absolvat nos omnipotens et misericors Dominus.
Responsum: Amen.
Versiculus [If a priest or bishop is present to respond]: Jube domne benedicere.
[If a priest or bishop is not present to respond, or if the reader is a bishop:] Jube, Domine, benedicere.
Benedicio [said by a priest or bishop if present, omitted if not present]: Beatus Benedictus confessor Christi pro nostris exoret delictis.
Lectio Prima: Fuit vir vitæ venerabilis, gracia benedictus et nomine, ab ipso puericie sue tempore cor gerens senile etatem quippe moribus transiens nulli animum voluptati dedit. Tu autem, Domine, miserere nobis.
Versiculus: Puer Domini Benedictus cum jam relictis litterarum studiis petere deserta decrevisset: Nutrix, quæ hunc arcius amabat, sola secuta est.
Responsum: Recessit igitur scienter nescius et sapienter indoctus. Nutrix, quæ hunc arcius amabat, sola secuta est.
Lectio Secunda: Nos qui ex diversis mundi partibus ad beatissimi Benedicti properavimus magisterium, discamus spernere quod sprevit, discamus diligere quod dilexit, ut si sequi eum post ad gloriam cupimus, modo ipsius vestigia imitando sequamur. Tu autem, Domine, miserere nobis.
Versiculus: Benedictus Dei famulus mala mundi plus appetens perpeti quam laudes; pro Deo laboribus fatigari, quam vitæ huius favoribus extolli.
Responsum: Nutricem suam occulte fugiens deserti loci secessum peciit; pro Deo laboribus fatigari, quam vitæ huius favoribus extolli.
Lectio Tercia: Circumspiciamus quapropter dilectissimi undique vitam nostram, excludamus a nobis cunctas sordes omnemque maliciam, simus mites, continentes et humiles, sequamur ea, quæ pacis sunt et caritatis, teneamus huius patris nostri præcepta et sequamur vestigia eius, ut cum eo pariter gaudia consequamur æterna. Tu autem, Domine, miserere nobis.
Versiculus: Intempesta noctis hora vidit beatus Benedictus fusam lucem desuper cunctas noctis tenebras effugasse. Tantoque splendore clarescere; ut diem illum vinceret lux illa.
Responsum: Sicut discipulis ipse referebat, quia sub uno solis radio omnis mundus collectus ante ejus oculos mentis adductus fuit. Tantoque splendore clarescere. Gloria Patri et Filio et Spiritui Sancto. Ut diem illum vinceret lux illa.
Hymnus: Te decet laus
Te decet laus,
te decet hymnus,
tibi gloria Deo Patri et Filio,
cum Sancto Spiritu,
in sæcula sæculorum. Amen.
Oratio: Fac nos quæsumus Domine beatissimi patris nostri Benedicti hic imitari labores, ut illic ejus gloriæ participes esse mereamur. Per Dominum nostrum Iesum Christum, Filium tuum.
Responsum: Amen.
Versiculus: Dominus vobiscum.
Responsum: Et cum spiritu tuo.
[The versicle and response immediately above are not said when reciting alone or when the speaker has not been ordained a deacon. In this case, the following versicle and response are said instead:
Versiculus: Domine, exaudi orationem meam.
Responsum: Et clamor meus ad te veniat.]
Versiculus: Benedicamus Domino.
Responsum: Deo gratias.
Versiculus: Fidelium animæ, per misericordiam Dei, requiescant in pace.
Responsum: Amen.
V. Commemorations to Be Said after Lauds or In the Morning
Memoria de Trinitate
Antiphona: Te invocamus, te adoramus, te laudamus, O beata Trinitas.
Versiculus: Benedicamus Patrem et Filium cum Sancto Spiritu, laudemus et super exaltemus eum in sæcula. Benedictus es Domine in firmamento cæli et laudabilis et gloriosus in sæcula.
Responsum: Sit nomen Domini benedictum ex hoc nunc et usque in sæculum.
Oratio: Omnipotens sempiterne Deus, qui dedisti famulis tuis in confessione vere fidei, æternæ Trinitatis gloriam agnoscere, et in potentia majestatis adorare Unitatem: quæsumus, ut ejusdem fidei firmitate, ab omnibus semper muniamur adversis, qui vivis et regnas in sæcula sæculorum. Amen.
Veneratio de Cruce
Antiphona: Per signum crucis de inimicis nostris libera nos Deus noster.
Versiculus: Dicite in nationibus.
Responsum: Quia Dominus regnavit a ligno.
Oratio: Adesto nobis, Domine Deus noster, et quos sanctæ crucis letari facis honore ejus, quoque perpetuis defende presidiis. Per Dominum nostrum Christum. Amen.
Memoria de Domina Nostra
Antiphona: Beata mater et innupta virgo gloriosa regina mundi, intercede pro nobis ad Dominum.
Versiculus: Post partum Virgo inviolata permansisti: Dei Genitrix, intercede pro nobis.
Responsum: Speciosa facta es et suavis in deliciis tuis, sancta Dei Genetrix.
Oratio: Concede nos famulos tuos, quæsumus Deus, perpetua mentis et corporis sanitate gaudere, et gloriosa beatæ Mariæ Virginis intercessione, a præsenti liberari tristitia et futura perfrui lætitia. Per Dominum nostrum Christum. Amen.
Memoria de Apostolis
Antiphona: Orate pro nobis sancti Dei apostoli, vera mundi lumina Petre atque Paule.
Versiculus: In omnem terram exivit sonum eorum.
Responsum: Et in fines orbis terræ verba eorum.
Oratio: Quæsumus, omnipotens Deus, ut beati apostoli tui Petrus et Paulus pro nobis implorent auxilium, ut a nostris reatibus absoluti a cunctis etiam periculis eruamur. Per Christum Dominum nostrum. Amen.
Memoria de Sancto Benedicto
Antiphona: Vir Domini Benedictus omnium justorum spiritu plenus fuit; ipse intercedat pro cunctis monasticæ professionis.
Versiculus: Os justi meditabitur sapientiam et lingua ejus loquetur judicium.
Responsum: Lex Dei ejus in corde ipsius.
Oratio: Intercessio nos, quæsumus Domine, beati Benedicti abbatis tui commendet, ut quod nostris meritis non valemus, ejus patricinio assequamur. Per Dominum nostrum Christum. Amen.
Memoria pro Pace
Antiphona: Da pacem Domine in diebus nostris quia non est alius qui pugnet pro nobis nisi tu Deus noster.
Versiculus: Fiat pax in virtute tua.
Responsum: Et abundantia in turribus tuis.
Oratio: Deus a quo sancta desideria, recta consilia et justa sunt opera: da servis tuis illam, quam mundus dare non potest, pacem; ut et corda nostra mandatis tuis dedita, et hostium sublata formidine, tempora sint tua proteccione tranquilla. Per Dominum nostrum Christum. Amen.
Memoria de Omnibus Sanctis
Antiphona: Exultabunt sancti in gloria, lætabuntur in cubilibus suis.
Versiculus: Lætamini in Domino et exsultate justi.
Responsum: Et gloriamini omnes recti corde.
Oratio: Omnium sanctorum tuorum quæsumus Domine intercessione placatus et veniam nobis tribue et remedia sempiterna concede. Per Dominum nostrum Christum. Amen.
VI. Commemorations to Be Said after Vespers or In the Evening
Memoria de Trinitate
Antiphona: Libera nos, salva nos, justifica nos, O beata Trinitas.
Versiculus: Benedicamus Patrem et Filium cum Sancto Spiritu, laudemus et super exaltemus eum in sæcula. Benedictus es Domine in firmamento cæli et laudabilis et gloriosus in sæcula.
Responsum: Sit nomen Domini benedictum ex hoc nunc et usque in sæculum.
Oratio: Omnipotens sempiterne Deus, qui dedisti famulis tuis in confessione vere fidei, æternæ Trinitatis gloriam agnoscere, et in potentia majestatis adorare Unitatem: quæsumus, ut ejusdem fidei firmitate, ab omnibus semper muniamur adversis, qui vivis et regnas in sæcula sæculorum. Amen.
Veneratio de Cruce
Antiphona: Salva nos, Christe salvator, per virtutem sanctæ crucis, qui salvasti Petrum in mari, miserere nobis.
Versiculus: Dicite in nationibus, alleluia.
Responsum: Quia Dominus regnavit a ligno, alleluia.
Oratio: Adesto nobis, Domine Deus noster, et quos sanctæ crucis letari facis honore ejus, quoque perpetuis defende presidiis. Per Dominum nostrum Christum. Amen.
Memoria de Domina Nostra
Antiphona: Sancta Dei Genetrix Virgo semper Maria, intercede pro nobis ad Dominum Deum nostrum.
Versiculus: Post partum Virgo inviolata permansisti: Dei Genitrix, intercede pro nobis.
Responsum: Speciosa facta es et suavis in deliciis tuis, sancta Dei Genetrix.
Oratio: Concede nos famulos tuos, quæsumus Deus, perpetua mentis et corporis sanitate gaudere, et gloriosa beatæ Mariæ Virginis intercessione, a præsenti liberari tristitia et futura perfrui lætitia. Per Dominum nostrum Christum. Amen.
Memoria de Apostolis
Antiphona: Petrus apostolus et Paulus doctor gentium, ipsi nos docuerunt legem tuam, Domine.
Versiculus: In omnem terram exivit sonum eorum.
Responsum: Et in fines orbis terrae verba eorum.
Oratio: Quesumus, omnipotens Deus, ut beati apostoli tui Petrus et Paulus pro nobis implorent auxilium, ut a nostris reatibus absoluti a cunctis etiam periculis eruamur. Per Christum Dominum nostrum. Amen.
Memoria de Sancto Benedicto
Antiphona: Vir Domini Benedictus omnium justorum spiritu plenus fuit; ipse intercedat pro cunctis monasticæ professionis.
Versiculus: Os justi meditabitur sapientiam et lingua ejus loquetur judicium.
Responsum: Lex Dei eius in corde ipsius.
Oratio: Intercessio nos, quæsumus Domine, beati Benedicti abbatis tui commendet, ut quod nostris meritis non valemus, ejus patricinio assequamur. Per Dominum nostrum Christum. Amen.
Memoria pro Pace
Antiphona: Da pacem Domine in diebus nostris, quia non est alius, qui pugnet pro nobis nisi tu Deus noster.
Versiculus: Fiat pax in virtute tua.
Responsum: Et abundantia in turribus tuis.
Oratio: Deus a quo sancta desideria, recta consilia et justa sunt opera: da servis tuis illam, quam mundus dare non potest, pacem; ut et corda nostra mandatis tuis dedita, et hostium sublata formidine, tempora sint tua proteccione tranquilla. Per Dominum nostrum Christum. Amen.
Memoria de Omnibus Sanctis
Antiphona: O quam gloriosum est regnum in quo cum Christo gaudent omnes sancti, amicti stolis albi sequuntur Agnum quocumque jerit.
Versiculus: Lætamini in Domino et exsultate justi.
Responsum: Et gloriamini omnes recti corde.
Oratio: Infirmitatem nostrum quæsumus Domine propitius respice, et mala omnia quæ juste meremur, omnium sanctorum tuorum intercessione averte. Per Dominum nostrum Christum. Amen.
VII. For Relatives, Rulers, Community Members, Friends, Oblates, Benefactors, and All Who Are Close
Psalmus 66
Deus misereatur nostri, et benedicat nobis;
illuminet vultum suum super nos, et misereatur nostri:
ut cognoscamus in terra viam tuam,
in omnibus gentibus salutare tuum.
Confiteantur tibi populi, Deus:
confiteantur tibi populi omnes.
Lætentur et exsultent gentes,
quoniam judicas populos in æquitate,
et gentes in terra dirigis.
Confiteantur tibi populi, Deus:
confiteantur tibi populi omnes.
Terra dedit fructum suum:
benedicat nos Deus, Deus noster!
Benedicat nos Deus,
et metuant eum omnes fines terræ.
Oratio:
Pretende, Domine, famulis et famulabus tuis dexteram celestis auxilii, ut te toto corde perquirant et que digne postulant assequantur. Per Christum Dominum nostrum. Amen.
VIII. For the Souls of All Departed Prelates, Community Members, Relatives, Founders, Benefactors, Oblates, Other Friends, and All Those in Purgatory
Psalmus 129
De profundis clamavi ad te, Domine;
Domine, exaudi vocem meam.
Fiant aures tuæ intendentes in vocem deprecationis meæ.
Si iniquitates observaveris, Domine,
Domine, quis sustinebit?
Quia apud te propitiatio est;
et propter legem tuam sustinui te, Domine.
Sustinuit anima mea in verbo ejusdeo gratias:
speravit anima mea in Domino.
A custodia matutina usque ad noctem,
speret Israël in Domino.
Quia apud Dominum misericordia,
et copiosa apud eum redemptio.
Et ipse redimet Israël
ex omnibus iniquitatibus ejus.
Oratio:
Fidelium Deus, omnium conditor et redemptor animabus famulorum famularumque tuarum remissionem cunctorum tribue peccatorum. Ut indulgentiam quam semper optauerunt piis supplicationibus consequantur. Qui cum Patre et Spiritu Sancto vivis et regnas Deus, per omnia secula seculorum. Amen.
Jacob Riyeff 